Telefonvarsling i Ålesund

Åknes / Tafjord beredskap er i ferd med å etablere telefonvarsling i Ålesund kommune ved fare for tsunami i Storfjorden som følgje av et stort fjellskred ved Åknes. 

I Ålesund er det dei som bur eller har virke og har registrert telefonnr. under kote 10 i området som vender mot Storfjorden som vil bli varsla. Dette skjer med automatisk telefonoppringing og talemelding ved ein eventuell fare.

Fareområdet er funne med bakgrunn av den bølgjemodelleringa og laboratorieforsøka Åknes / Tafjord Beredskap har fått utført av NGI og SINTEF.  I Ålesund er det berekna ei oppskylling på ca. 5 m.  For å vere heilt sikker på at menneskeliv ikkje skal gå tapt ved ei eventuell flodbølgje vil alle som bur under kote 10 bli varsla.

12/4 blei det halde folkemøte på Emblem bedehus der alle som bur i faresona blei informert.